Ang pangunahing karakter, si Joshua Ibanez Jr., 4th year na estudyante sa high school, 16 years old, ay aksidenteng nakadiskubre ng bara ng ginto sa ibaba ng grandstand ng pinapasukang high school habang nanonood ng isang palaro sa basketball. Dito nagsimula ang conflict sa kanyang sarili at sa ibang tao at sa kanyang paligid. Mula sa pagiging mahiyain pero matalino, naging matapang na siyang labanan ang mga nangbu-bully sa kanya at nagkalakas din ng loob na manligaw sa babae. Ganoon pa man, hindi nawawala sa kanya ang pagnanais na ibalik ang ginto sa tunay na may-ari kung mahahanap lang niya...

Ang Strawberry Fields at Iba Pang Kuwento ay ang pangalawang libro ni Lorenzo A. Fernandez Jr. Nauna dito ay ang Fevers, isang koleksiyon ng kanyang mga tula sa Ingles.